دبئی (نوائے وقت نیوز) پاکستان کرکٹ ٹیم کے سپنر سعید اجمل نے کہا ہے کہ آئی سی سی نے بازو کو.5 23 ڈگری زاویہ تک موڑنے کی اجازت دے دی۔ دوسری طرف ترجمان آئی سی سی کا کہنا ہے کہ سعید اجمل کو ایسی کوئی اجازت نہیں دی گئی۔ ورلڈ گورننگ باڈی کے فیصلے کے مطابق ہر باولر کو 15 ڈگری زاوئیے تک بال کرانے کی اجازت ہے۔ منیجر پاکستان کرکٹ ٹیم نوید اکرم نے کہا ہے کہ سعید اجمل کے بیان پر کوئی تبصرہ نہیںکریں گے دریں اثناءآئی سی سی ترجمان کا کہنا ہے کہ ہو سکتا ہے سعید اجمل نے کچھ اور کہا ہو لیکن غلطی سے ایسا سمجھ لیا گیا ہو کیونکہ انگریزی ان کی مادری زبان نہیں۔