لاہور (سپورٹس رپورٹر) پاکستان کراٹے فیڈریشن کے زیراہتمام کریسنٹ ماڈل ہائر سیکنڈری سکول لاہور میں دو ماہ سے جاری کوچنگ کیمپ اختتام پذیر ہو گیا۔ کیمپ میں 150 لڑکوں نے حصہ لیا جنہیں کھیل کی بنیادی تکنیکس کیہون، کاتا اور کمیتے کی تربیت دی گئی۔ کیمپ کے اختتام پر کراٹے کے مقابلوں کا انعقاد کرایا گیا۔ سینئرز کیٹگریز میں وقار حسن نے پہلی، معاذ تنویر نے دوسری جبکہ حماد افضل نے تیسری پوزیشن حاصل کی۔