قلعہ دیدار سنگھ + حافظ آباد (نامہ نگار+ نمائندہ نوائے وقت) گوجرانوالہ حافظ آباد روڈ پر سلیم پورہ کے نزدیک منی ٹرک اور ٹرالر میں تصادم ہو گیا۔ ٹرک ڈرائیور سمیت 3 افراد موقع پر جاں بحق ہوگئے۔ دو افراد کو شدید زخمی حالت میں ہسپتال منتقل کر دیاگیا۔ تفصیلات کے مطابق حافظ آباد سے گوجرانوالہ جانے والا منی ٹرک مخالف طرف سے آنے والے تیز رفتار ٹرالر ٹکرا گیا تصادم اتنا شدید تھا منی ٹرک ٹرالر میں دھنس گیا اور ٹرک میں سوار تینوں افراد امجد نواز، قاسم اور جگنو موقع پر ہلاک ہو گئے۔ ہلاک شدگان اور زخمیوں سلیمان اور صابر کو ٹرک کی باڈی کاٹ کر باہر نکالا گیا۔ ریسکیو 1122 کی امدادی ٹیموں نے زخمیوں کو ڈسٹرکٹ ہیڈ کوارٹر ہسپتال حافظ آباد منتقل کر دیا۔ حادثے میں جاں بحق اور زخمی ہونے والوں کا تعلق جھنگ سے ہے اور وہ گوجرانوالہ جا رہے تھے۔ پولیس نے ضروری کارروائی کیلئے نعشوں اور ٹرک کو قبضہ میں لے لیا۔