گلو بٹ کا ہم شکل سامنے آ گیا مسلم لیگ (ن) کے کارکن آپس میں جھگڑ پڑے، ایک دوسرے کو دھکے دیتے رہے

لاہور (اپنے نامہ نگار+ این این آئی+ آئی این پی) سانحہ ماڈل ٹاﺅن میں گاڑیوں کی توڑ پھوڑ سے شہرت پانے والے گلو بٹ کا ہم شکل سامنے آ گیا۔ الیکشن ٹربیونل میں سپیکر قومی اسمبلی سردار ایاز صادق کے پیش ہونے کی اطلاع پر کارکنوں کی بڑی تعداد انکی آمد سے قبل ہی استقبال کیلئے جمع ہو گئی۔ کارکن ڈھول کی تھاپ پر رقص کرتے اور اپنی قیادت کے حق میںنعرے لگاتے رہے۔ استقبالی کارکنوں میں گلو بٹ کا ہم شکل جس کی مونچھیں‘ قد اور جسامت گلو بٹ سے ملتی جلتی ہے توجہ کا مرکز بنا رہا۔ اس شخص نے اپنا نام میاں علی بتایا اور اس کا کہنا تھاکہ وہ بہت دور سے اپنے رہنما کا ساتھ دینے کیلئے لاہور آیا ہے۔ سماعت کے دوران مسلم لیگ (ن) کے کارکن آپس میں جھگڑ پڑے، آپس میں تلخ کلامی کے بعد ایک دوسرے کو دھکے دیتے رہے۔ ایاز صادق کے پہنچنے پر مسلم لیگ (ن) کے کارکنوں نے الیکشن کمشن کی عمارت میں داخل ہونے کی کوشش کی جسے پولیس کی طرف سے ناکام بنا دیا۔