جوہرٹائون میں دولہا دولہن کو لوٹ لیا مزاحمت پر تشدد پتوکی میں مقابلہ ایک ڈاکو ہلاک

لاہور (نامہ نگار+ نمائندگان) لاہور میں کئی وارداتیں جبکہ مزاحمت پردولہا، دلہن کو تشدد کا نشانہ بنا کر زخمی کردیا ہے۔ پتوکی میں مقابلہ ڈاکو ہلاک ہوگیا۔ جوہرٹاؤن کے علاقہ شوق چوک میں ڈاکوؤں نے رخصتی کے بعد کار پر گھر جاتے ہوئے دلہا، دلہن کوروک کر گن پوائنٹ پر ساڑھے 10 لاکھ روپے نقدی و زیوارت لوٹ لئے جبکہ مزاحمت پر دولہا، دلہن کو تشدد کا نشانہ بنا کر زخمی کردیا اور فرار ہوگئے۔ کا ہنہ کے علا قہ میں ڈاکوؤں نے ملک مسعود کے گھر میں اہل خانہ کو گن پوائنٹ پر یرغمال بنا کر 10 لاکھ روپے، شمالی چھائونی میں طارق کے گھر سے 4 لاکھ روپے کی نقدی، طلائی زیورات، موبائل فون اور دیگر سامان، ڈیفنس اے میں وقار شیخ اور اسکی فیملی سے 3 لاکھ روپے، ہربنس پورہ میں دانش اور اسکی فیملی سے 2 لاکھ روپے، ٹبی سٹی میں نعمان سے2 لاکھ، نواب ٹائون میں رانا شان سے 70 ہزار اور موبائل فون، شاہدرہ میں رضوان سے 40 ہزار اور موبائل فونز لوٹ لئے۔ چوروں نے ساندہ کے علاقہ حکیماں والے بازار میں کپڑ ے کی دکان کے تالے توڑ کر 5 لاکھ روپے مالیت کا کپڑا چوری کرلیا ہے۔ چوروں نے ہربنس پورہ میں سے شان، نواب ٹائون میں شاہد، گلشن اقبال میں جواد، اقبال ٹائون میں فاروق، سمن آباد میں عمران، وحدت کالونی میں سے نذیر کی کاریں جبکہ فیکٹری ایریا میں سے سعید، مصطفی آباد میں غلام نبی، گرین ٹائون میں وقاص، جوہر ٹائون میں ہمایوں، مسلم ٹائون میں سمیع، سول لائن میں شبیر، اسلام پورہ میں سے عدنان کی موٹر سائیکلیں چوری کرلی ہیں۔ کاہنہ سے نامہ نگار کے مطابق حافظ اظہراور آزاد موٹر سائیکل پر سواآصل سے لکھوکی گائوں جارہے تھے راستے میں بلے والا کھوں کے قریب ناکہ لگائے تین نامعلوم مسلح ڈاکوئوںنے انہیں روک لیا اور گن پوائنٹ پر نقدی پچاس ہزار، لیپ ٹاپ اور آئی فون چھین کر فرار ہو گئے۔ فیروزوالا سے نامہ نگار کے مطابق موٹروے انٹر چینج فیض پور کے قریب ڈاکوئوں نے گن پوائنٹ پر کالج کے ملازم انیس احمد کو روک کر لوٹ لیاڈ۔ ڈاکو تقریباً 25 ہزار روپے نقد موبائل دیگر قیمتی کاغذات چھین کرلے گئے۔ کوٹ عبدالمالک بھلے اندرون کے قریب چوروں نے ملک وارث کے گھر میں داخل ہو کر پانچ لاکھ روپے مالیت کے زیورات اور نقد رقم دیگر سامان چوری کر لیا۔ چوروں نے موٹر وے فیض پور کے قریب سڑک کے کنارے لگی ہوئی ہزاروں روپے مالیت کی سلیپیں چوری کر لی۔ چوروں نے لیاقت علی کی حویلی سے لاکھوں روپے کے مویشی چوری کر لئے۔ نامعلوم چوروں نے عابد علی کے گھر میں داخل ہو کر ہزاروں روپے مالیت کا سامان چوری ہو گیا۔ پتوکی اور قصور سے نامہ نگاران کے مطابق پتوکی تھانہ صدر کی حدود میں دوران ڈکیتی پولیس مقابلہ میں ایک ڈاکو ہلاک ہوگیا۔ تھانہ صدر پولیس کی حدود میں 22 چک کے قریب موٹر سائیکل سوار سے ڈکیتی کے دوران پولیس کی جوابی فائرنگ سے جہانزیب نامی ڈاکو ہلاک ہوگیا۔