پیپلزپارٹی کا آصفہ بھٹوکو قومی کی 2نشستوں سے الیکشن لڑانے کا فیصلہ

کراچی (اسٹاف رپورٹر) پیپلز پارٹی نے سابق صدر آصف زرداری کی صاحبزادی آصفہ بھٹو زرداری کو قومی اسمبلی کی 2 نشستوں سے الیکشن لڑانے کا فیصلہ کر لیا ۔ذرائع پیپلزپارٹی کے مطابق آصفہ بھٹو زرداری پارلیمانی سیاست میں آنے کیلئے عام انتخابات 2018 میں حصہ لیں گی۔ ذرائع کا کہنا ہے کہ آصفہ بھٹو زرداری لیاری اور ٹنڈو الہیارسے الیکشن لڑیں گی ذرائع کے مطابق آصفہ بھٹو زرداری کے عام انتخابات میں حصہ لینے کا فیصلہ پیپلزپارٹی کی اعلیٰ قیادت نے کیا ۔ذرائع کے مطابق بختاور بھٹو زرداری 2018ء کے عام انتخابات میں حصہ نہیں لیں گی۔