لاہور(نمائندہ سپورٹس+سپورٹس رپورٹر)نیشنل سنوکر چیمپئن شپ میں دفاعی چیمپئن محمد بلال، عالمی چیمپئن محمد آصف اور حمزہ اکبر پریکوارٹر فائنل میں پہنچ گئے۔کراچی جیم خانہ میں جاری چیمپئن شپ میں حمزہ اکبر نے گروپ کے پانچویں میچ میں عمر فاروق کو چاردو سے شکست دی اور پری کوارٹر فائنل میں جگہ بنا لی۔محمد بلال اور محمد آصف بھی ٹورنامنٹ میں ناقابل شکست رہنے کے بعد فائنل 16 میں پہنچ گئے۔ علی حیدر نے آصف ٹوبہ کو شکست دیدی جبکہ ماجد علی کو بھی شکست کا سامنا کرنا پڑا۔رانا عرفان نے عبدالغفور کیخلاف سنچری بریک کھیلتے ہوئے کامیابی حاصل کی ایک اور میچ میں مبشر رضا نے آغا بلاول کیخلاف 112 کا بریک کھیلا اور چاردو سے فتح اپنے نام کی۔