لاہورویسٹ مینجمنٹ کمپنی کے 28زونل افسروں کی تعیناتی‘ نئی فہرست جاری

لاہور(نیوزرپورٹر)لاہور ویسٹ مینجمنٹ کمپنی میں 28زونل افسران کی میرٹ پر تعیناتی کے بعد نئی فہرست جاری کر دی گئی ہے۔ اس سلسلے میں ایم ڈی ایل ڈبلیو ایم سی رائو امتیاز کا کہنا ہے کہ تمام تقرریاں میرٹ کی بنیاد پر کی گئی ہیں شہر میں صفائی کے نظام کو بہتر بنانے کے لئے میرٹ اور اہلیت پر پورا اترنے والے زونل افسران کو تعینات کیاگیا ہے۔صفائی کے نظام کو مزید بہتر اور مستحکم بنانے کے لیے یہ اقدام اُٹھایا گیا ہے ماضی میں مختلف زونز میںایل ڈبلیو ایم سی کے4 5 زونل افسران تعینات تھے۔ایم ڈی ایل ڈبلیو ایم سی کی ہدایت پر جن 28 افسران نے سینیٹری انسپکٹر کا 2 سال کافیکلٹی ڈپلومہ کیا تھا ان کو اب میرٹ پر ہر زون میں زونل افسر تعینات کیا گیا ہے۔20کو اپنی اصل پوزیشنز پر تعینات کر دیا گیا ہے۔ ایم ڈی ایل ڈبلیو ایم سی نے میرٹ کو ملحوظ خاطر لاتے ہوئے کرائٹیریا کے مطابق زونل افسران کی تعیناتی کے احکامات جاری کئے۔