قومی ائیر لائن (پی آئی اے) نے اپنی فضائی میزبانوں کیلئے ٹریول ایڈوائزری جاری کردی ہے ، تمام فضائی میزبان دوران پرواز ٹچ فری تھرمامیٹر اپنے پاس رکھیں گے ۔ قومی ایئر لائن کے ترجمان کے مطابق ٹریول ایڈوائزی پاکستان سے بیجنگ اور ٹوکیو جا نے والی پرواز وں کیلئے جاری کی گئی ہے ، تمام فضائی میزبان دوران پرواز ٹچ فری تھرمامیٹر اپنے پاس رکھیں گے اور چہرے پر پہننے کیلئے این 95 ماسک کا لازمی استعمال کرینگے۔ ایڈوائزی کے مطابق پرواز کی روانگی سے قبل متعلقہ ائیرپورٹ پر فوڈ سروسز کا عملہ فضائی میزبانوں کو تھرمامیٹر اور ماسک مہیا کرے گا۔ ترجمان نے بتایا کہ یہ ایڈوائزری پی آئی اے کے شعبہ فلائٹ سروسز کی طرف سے جاری کی گئی ہیں ۔