چناب نگر: آگ لگنے سے2 کمسن بہن بھائی زندہ جل گئے، والدین پر غشی کے دورے

چناب نگر (نمائندہ خصوصی) آگ لگنے سے دو کمسن بہن بھائی زندہ جل گئے، والدین پر غشی کے دورے، علاقہ کی فضاء سوگوار ہوگئی۔ تفصیلات کے مطابق چناب نگر کے نواحی علاقہ سانگرہ روڈ پر چوک صدیقیہ کے قریب ایک زمیندار نے کماد کی فصل کے باقیات کو آگ لگا رکھی تھی اور پرویز کا 5 سالہ بیٹا ابرار اور اس کی 7 سالہ بیٹی شہزادی کماد کی فصل کے قریب کھیل رہے تھے کہ آگ کی لپیٹ میں آگئے اور بری جھلس گئے، ریسکیو نے موقع پر پہنچ کردونوں کو ٹی ایچ کیو منتقل کیا حالت تشویشناک ہو نے کیوجہ سے برن یو نٹ فیصل آباد منتقل کیالیکن دونوں جانبر نہ ہوسکے۔