لاہور (نامہ نگار) شہرکے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ تفصیلات کے مطابق ڈاکوؤں نے اسلام پورہ کے علاقے میں صادق کے گھرگھس کر اہلخانہ کو گن پوائنٹ پر یرغمال بنا کر 6لاکھ 10ہزار روپے مالیت، مناواں کے علاقے میں پرویز کی فیملی سے 5لاکھ 22ہزار روپے مالیت، ٹائون شپ کے علاقے میں دانش کے گھر سے3لا کھ 40ہزار روپے مالیت، سمن آباد کے علا قے میں فواد کے گھر سے 2لا کھ 55ہزار روپے مالیت ، سول لائنز کے علاقے میں قدیر کے گھرسے 2لاکھ 30ہزار روپے مالیت، نشتر کالونی کے علاقے میں ظہور کی فیملی کو یرغمال بنا کر ایک لا کھ 53ہزار روپے مالیت ، کینٹ کے علاقے میں خرم کی فیملی سے ایک لا کھ 28ہزار روپے مالیت  کی نقدی، طلائی زیورات، موبائل فون اور دیگر سامان لوٹ لیا ہے۔ ڈاکوؤں نے شہر کے مختلف علاقوں میں راہزنی کی وارداتوں میں 5 شہریوں سے ہزاروں روپے نقدی اور موبائل فون لوٹ لئے ہیں۔ چوروں نے ڈیفنس اورگارڈن ٹائون کے علاقوں سے 2کاریںجبکہ ستوکتلہ  برکی، ملت پارک، مناواں اور مغلپورہ کے علاقوں سے5 موٹر سائیکلیں چوری کر لی ہیں۔