اسلام آباد(نیوزرپورٹر) وفاقی وزیر بین الصوبائی رابطہ اور پاکستان سپورٹس بورڈ کی صدر ڈاکٹر فہمیدہ مرزا نے پاکستانی مکسڈ مارشل آرٹس اسٹار احمد مجتبی کو سنگاپور میں چیمپیئن شپ کے مقابلے میں بھارتی راہل راجو کو شکست دینے پر ان کی کاوشوں کو سراہتے ہوئے مبارکباد دی ہے ۔ ایک بیان میں انہوںنے  امید ظاہر کی کہ وہ آئندہ بھی ایسے مقابلوں میں شاندار کارکردگی کا مظاہرہ کرتے ہوئے  پاکستان کا نام روشن کریں گے، کوئٹہ سے تعلق رکھنے والے پاکستانی مکسڈ مارشل آرٹس اسٹار احمد مجتبی نے اپنے کیریئر کا آغاز 2013 میں کیا ۔ انہوں نے چیمپین شپ کے پہلے رائونڈ میں اپنے حریف کو زیر کیا۔ اپنے پیغام میں وفاقی وزیر، بین الصوبائی رابطہ ڈاکٹر فہمیدہ مرزا نے احمد مجتبی  کے عزم، محنت اور اس کی کامیابی کے اعتراف کو سراہا ہے۔