میرپور ماتھیلو (نامہ نگار ) ویڈیو گیم کے شوق نے نوجوان کی جان لے لی ، 22 سالہ نوجوان ٹرین کے نیچے آکر جاں بحق، تفصیلات کے مطابق میرپور ماتھیلو کے قریب واقع گاؤں محمد بخش کھوکھر کا رہائشی ایک نوجوان رونق رضا کھوکھر اپنے گھر سے نکل ریلوے لائن سے کانوں میں ہیڈ فون ڈالے موبائل فون پر گیم کھیلتا شہر میرپور ماتھیلو آ رہا تھا کہ لاہور سے کراچی جانے والی عوامی ایکسپریس کی زد میں آکر جاں بحق ہوگیا ، عینی شاہدین کے مطابق نوجوان ریلوے ٹریک پر جا رہا تھا کہ پیچھے آنے والی ٹرین کے ہارن کی آواز ہیڈ فونز کی وجہ سے نہ سن سکا جبکہ موقع پر موجود لوگوں نے دور سے ریلوے ٹریک سے ہٹ جانے کی آوازیں لگائیں مگر نوجوان کوئی بھی آواز نہ سن سکا اور ٹرین کے نیچے آگیا ، جس کی لعش کو فوری طور پر اسپتال منتقل کردیا گیا اور ضروری کارروائی کے بعد لاش ورثاء  کے حوالے کردی گئی ہے،