گولڈن ٹرائی اینگل قومی ترقی میں اہم کردار ادا کررہا ہے:سہیل مغل

گوجرانوالہ(نمائندہ خصوصی) سرجیکل انسٹرومنٹ صنعت سے وابستہ معروف صنعت کار محمد سہیل مغل نے کہا ہے کہ سیالکوٹ گجرات اور گوجرانوالہ پر مشتمل گولڈن ٹرائی اینگل قومی ترقی میں اہم کردار ادا کررہا ہے اور اگر حکومت مزید سہولیات فراہم کرے ان علاقوں کی صنعتوں کی پیداوار میں نمایاں اضافہ ہو گا انہوں نے ایک بریفنگ کے دوران کہا کہ سیالکوٹ میں ایک اور انڈسٹریل اسٹیٹ کے قیام کی اشد ضرورت ہے تاکہ قومی پیداوار اور برآمدات میں اضافہ کرنے والی صنعتوں کو فروغ حاصل ہو کاروبار اور روزگار کے نئے مواقع پیدا ہوں محمد سہیل مغل نے کہا کہ نوجوانوں کو ایسے امور میں تربیت دی جائے جو انڈسٹری سے ہم آہنگ ہوں تاکہ ان کے لئے روزگار کے مواقع پیدا ہو سکیں انہوں نے کہا کہ صرف اکیلے حکومت روزگار فراہم نہیں کر سکتی نوجوان انٹر پنیور شپ قائم کر کے نہ صرف خود اپنے پاؤں پر کھڑے ہوسکتے ہیں بلکہ دوسروں کے لئے بھی باعزت روزگار کا ذریعہ بن سکتے ہیں اس کے لیے ضروری ہے کہ تربیتی سہولیات میں اضافہ کیا جائے تاکہ  نوجوانوں کی حوصلہ افزائی ہوسکے۔