ملتان (نیوز رپورٹر) کوآپریٹو سوسائٹی کے رجسٹرار نے اپیلیں خارج کرکے ملتان واپڈا ٹاون ہاوسنگ سوسائٹی کے انتخابات کے چار امیدواروں کونااہل قرار دیا۔ان میں نائب صدر کے لیے حبیب سنگھیڑا جعلی کاغذات جمع کرانے پر الیکشن سے آوٹ ہوگئے ہیں ان پر الزام تھا کہ انہوں نے پراپرٹی ڈیلر ہونے اور ایف بی آر کے کاغذات میں ہیر پھیر کیا۔جنرل سیکریٹری کی نشت پر امجد نواز بھٹی،ممبر پر واجد رسول،یونس سہو بھی نااہل ہوگئے ہیں۔ممبر کے امیدوار نیب کے ملزم بھی رہ چکے ہیں۔، واپڈا ٹاون ہاوسنگ سوسائٹی انتخابات بیس فروری کوہورہے ہیں جس میں گروپ جوش و خروش سے حصہ لے رہے ہیں۔