شالامار باغ میں فیملی کو لوٹنے، ہراساں کرنیوالے دو برقعہ پوش نوجوان گرفتار

لاہور(نامہ نگار)باغبانپورہ پولیس نے شالامار باغ میں ایک فیملی کو لوٹنے اور ہراساں کرنے والے دو برقعہ پوش نوجوانوں کو گرفتارکرلیا ہے۔باغبانپورہ پولیس نے 15کی اطلاع پر کارروائی کے دوران نقلی پستول دکھا کر عوام کو لوٹنے اور برقعہ کی آڑ میں لڑکیوں کو ہراساں و تنگ کرنے والے دو ملزمان عمر اور زین کوگرفتارکر کے ان کے قبضے سے نقلی پستول برآمدکر کے مقدمہ درج کر لیا ہے۔ پولیس کے مطابق ملزمان شالا مار باغ کے اندر جا کربرقعہ پہن کر نقلی پستول دکھا کر لوگوں سے رقم، قیمتی چیزیں لوٹ کر رفو چکر ہو جاتے تھے ۔ملزمان برقعہ اوڑھ کر لڑکیوں کو ہراساں و تنگ کرتے تھے۔