لاہور ( سپورٹس رپورٹر) لاہور قلندرز نے پی ایس ایل کے ساتویں ایڈیشن کے لیے اپنا نغمہ 'بول قلندرز' کی نئی ویڈیو جاری کردی۔اینتھم کی ویڈیو میں ملکی و غیر ملکی کھلاڑیوں نے ڈانس کیا جسے صارفین کی جانب سے خاصہ پسند کیا جارہا ہے۔لاہور قلندرز کی اس ویڈیو میں غیر ملکی کھلاڑی راشد خان، ڈیوڈ ویزا، سمت پٹیل، ہیری بروک اور فل سالٹ کو دیکھا جاسکتا ہے جبکہ پاکستانی کھلاڑی فخر زمان، کامران غلام، حارث رؤف، شاہین شاہ آفریدی و دیگر شامل ہیں۔ویڈیو میں ناصرف کھلاڑی ڈانس کرتے دکھائی دے رہے ہیں بلکہ رواں سیزن کے مقابلوں کے یادگار لمحات بھی بھی ویڈیو میں شامل کیا گیا ہے۔