چونترہ میںجلد صرف شیر ہی دھاڑے گا، قمرالاسلام راجہ

چکری(نامہ نگار)پاکستان مسلم لیگ نوازپنجاب کے نائب صدر قمرالاسلام راجہ نے کہاہے کہ این اے 59اور پی پی10 سے پاکستان مسلم لیگ نواز کا قافلہ پوری رفتار سے چل نکلا ہے اوروہ دن دور نہیں جب پورے علاقہ چونترہ میں انشااللہ صرف اور صرف شیر ہی دھاڑے گا وہ یونین کونسل گگن کے گائوں تترال میں چوہدری عبداللہ خان کے گھر منعقدہ میٹنگ سے خطاب کررہے تھے، اس موقع پر چوہدری عبداللہ آف تترال، چوہدری عاقب تترال، صوبیدار چوہدری عبدالمجید، چوہدری نشادتترال، کیپٹن غلام رسول تترال، چوہدری عابد ڈھوکیا، چوہدری نعمان سنگرال، راجہ صفی ایڈوکیٹ، محمد نثار گنگال، سابقہ ممبر ہاشم علی گنگال،چوہدری قربان جسوال، عبدالرشید آف تلہ بجاڑ سمیت سینکڑوں افراد نے چوہدری نثارعلی خان گروپ کو چھوڑ کرقمرالسلام راجہ کی قیادت پر اعتماد کا اظہار کرتے ہوئے اپنی سیاسی وابستگیاں مسلم لیگ نواز سے وابستہ کرلیں ۔