گوجرانوالہ:نیشنل ویمن بیس بال چمپیئن شپ کی افتتاحی تقریب آج ہوگی

گوجرانوالہ(نمائندہ خصوصی) سپورٹس ڈیپارٹمنٹ گوجرانوالہ کے زیر اہتمام نیشنل ویمن بیس بال چمپیئن شپ کی افتتاحی تقریب آج بروز منگل 8 فروری صبح ساڑھے دس بجے جناح اسٹیڈیم گوجرانوالہ میں منعقد ہوگی ۔ افتتاحی تقریب کے مہمان خصوصی ڈپٹی کمشنر گوجرانوالہ دانش افضال ہوں گے جبکہ صدر گوجرانوالہ چیمبر آف کامرس شعیب بٹ ‘ ڈویژنل سپورٹس آفیسر منظر شاہ فرید  و دیگر افسران اور معزز شخصیات بھی تقریب میں شرکت کریں گی ۔ نیشنل ویمن بیس بال چمپیئن شپ میں سندھ‘ بلوچستان‘ کے پی کے‘ پنجاب ‘اسلام آباد‘ پاک آرمی ‘ پولیس ‘ واپڈا اور ایچ ای سی کی ٹیمیں شرکت کررہی ہیں ۔ ڈویژنل سپورٹس آفیسر منظر شاہ فرید نے بتایاکہ کھیلو ں میں فروغ کی قومی پالیسی کے تحت گوجرانوالہ میں نیشنل ویمن بیس بال چیمپیئن شپ کا انعقاد بڑا خوش آئند ہے اور سپورٹس ڈیپارٹمنٹ نے کھلاڑیوں اور آفیشلز کیلئے تمام ممکنہ انتظامات مکمل کر لئے ہیں۔