پشاور زلمی ترانہ دھوم مچانے کو تیار

لاہور(سپورٹس رپورٹر)پی ایس ایل آٹھ کیلئے پشاور زلمی ترانہ دھوم مچانے کو تیار ‘ آرٹسٹس کا اعلان کردیا گیا۔ راک سٹار التمش فائنل ووکلسٹ ہوں گے ، جنہوں نے گزشتہ ترانہ میں بھی جاندار آواز سے تہلکہ مچایا تھا۔ خیبر پختونخواہ کے معروف پشتو بینڈ خماریاں بھی زلمی ترانہ کا حصہ ہوں گے۔ خماریاں اس سے قبل پشاور زلمی کیلئے خوبصورت ریجنل ترانہ بناچکے ہیں ۔امریکن آئیڈل میں شریک ہونیوالے بلال آواز اور مردان سے تعلق رکھنے والے ظہور بھی ترانہ میں شریک ہیں۔ ترانہ کو انٹرنیشنل پروڈیوسر ناٹی بوائے تیار کررہے ہیں۔ ترانہ آنیوالے دنوں میں ریلیز کیا جائیگا۔