سکھر (نوائے وقت رپورٹ) بس ٹرمینل سکھر کے قریب سے انکم ٹیکس اسسٹنٹ کمشنر کو اغواء کر لیا گیا۔ غلام شبیر شیخ ڈیوٹی کے بعد واپس لاڑکانہ گھر جا رہے تھے۔ پولیس کے مطابق بس ٹرمینل کے قریب رنگ روڈ پر کار میں سوار ملزمان نے گاڑی روکی۔ ملزمان اسسٹنٹ کمشنر‘ اسٹینو گرافر اور گارڈ کو ساتھ لے گئے۔ مسلح ملزمان نے کچھ دور جانے کے بعد اسٹینو گرافر اور گارڈ کو چھوڑ دیا۔ سٹینو گرافر اور گارڈز نے تھانے پہنچ کر پولیس کو اطلاع دی۔