بابر اعظم نے بنگلہ دیش پریمیئر لیگ کے ٹاپ سکورر بن گئے

لاہور(سپورٹس رپورٹر)پاکستان کے سابق کپتان بابر اعظم بنگلہ دیش پریمیئر لیگ میں ٹاپ سکورر بن گئے۔بنگلہ دیش پریمیئر لیگ میں بابراعظم رنگپور رائیڈرز کی نمائندگی کر رہے ہیں اور اب تک 6اننگز میں 251رنز کیساتھ ٹورنامنٹ کے ٹاپ سکورر ہیں جبکہ دوسرے نمبر پر فارچون باریشال کے مشفیق الرحمان 228رنز کیساتھ موجود ہیں۔تیسری پوزیشن سلہٹ سٹرائیکرز کے ذاکر حسین کے پاس ہے جو 7 اننگز میں 193رنز بنا چکے ہیں، چٹوگرام چیلنجرز کے اویشکا فرننیڈو 6اننگز میں 174رنز کیساتھ چوتھے جبکہ ڈھاکہ ڈومینیٹرز کے محمد نعیم 6اننگز میں 156رنز کیساتھ پانچویں نمبرپر ہیں۔بابراعظم کی ٹیم رنگپور رائیڈرز ٹورنامنٹ میں 7میچز کھیلنے کے بعد 10پوائنٹس کیساتھ پہلی پوزیشن پر ہے، ٹیم نے 5میچز میں کامیابی حاصل کی جبکہ 2میں شکست کا سامنا کرنا پڑا جبکہ ٹیم کا رن ریٹ 1.462+ہے۔پوائنٹس ٹیبل پر دوسری پوزیشن کھلنا ٹائیگرز کی ہے جو کہ 8میں سے 4میچز میں کامیابی کے بعد 8پوائنٹس کیساتھ دوسری پوزیشن پر براجمان ہے اور ٹیم کا رن ریٹ 1.023+ہے۔تیسرے نمبر پر چٹوگرام چینلجرز 6پوائنٹس، کومیلا وکٹورینز 6پوائنٹس کے چوتھے، فارچون بریشال 6پوائنٹس کیساتھ پانچویں، سیلہٹ سٹرائیکرز 2پوائنٹس کیساتھ چھٹے اور ڈھاکہ ڈومینیٹرز 2پوائنٹس کیساتھ ٹیبل پر سب سے آخری پوزیشن 7ویں نمبر پر ہے۔