پی ایس ایل کی آن لائن ٹکٹ بکنگ  ویب سائٹ بحال ہوگئی

 لاہور (سپورٹس رپورٹر)پاکستان سپر لیگ سیزن 9 کی آن لائن ٹکٹ بکنگ کی ویب سائٹ بحال ہوگئی ہے۔سماجی رابطے کی ویب سائٹ ایکس پر پی ایس ایل کی انتظامیہ نے پیغام جاری کیا ہے۔پی ایس ایل انتظامیہ کے مطابق ویب سائٹ بحال ہوگئی ہے، شائقین اب آن لائن ٹکٹ بک کرواسکتے ہیں۔پی ایس ایل کی آن لائن ٹکٹ بکنگ کی ویب سائٹ پر گزشتہ روز شام 5 بجے سے آن لائن ٹکٹ کی بکنگ شروع ہونا تھی جس کے چند گھنٹوں کے بعد ہی اس پر سائبر حملہ ہوا تھا۔پاکستان کرکٹ بورڈ نے پی ایس ایل کے ٹکٹ فروخت کا معاہدہ نجی کوریئر کمپنی کیساتھ کیا ہے۔