انڈر19کرکٹ ورلڈ کپ ‘پاکستان آسٹریلیا سیمی فائنل میں آج مد مقابل 

 لاہور(سپورٹس رپورٹر)جنوبی افریقہ میں جاری 15ویں آئی سی سی انڈر 19 ورلڈ کپ کا دوسرا سیمی فائنل میچ پاکستان اور آسٹریلیا کی ٹیموں کے درمیان آج جمعرات کو بینونی میں کھیلا جائیگا۔میچ دن ایک بجے ولو مور پارک بینونی میں کھیلا جائیگا۔پاکستانی ٹیم سعد بیگ کی قیادت میں میدان میں اترے گی جبکہ آسٹریلوی ٹیم کو ہیو ویبگن لیڈ کریں گے۔ دونوں ٹیموں نے ٹورنامنٹ میں شاندار کارکردگی کا مظاہرہ کیا اور اب تک ناقابل شکست ہیں ، دوسرے سیمی فائنل کی فاتح ٹیم ورلڈ کپ کے فائنل میچ میں 11 فروری کو بھارت کا مقابلہ کریگی جو بینونی میں کھیلا جائیگا۔