کامونکی:ڈکیتی کی مختلف وارداتوں  میں سعودیہ پلٹ شخص سمیت  3افراد کو لوٹ لیا گیا

کامونکی(نمائندہ خصوصی)ڈکیتی کی مختلف وارداتوں میں سعودیہ پلٹ شخص سمیت 3افراد کو لوٹ لیا گیا۔بتایا گیا ہے کہ نواحی گاؤں گورالہ کا ڈرائیور عابد علی کیری ڈبہ میں سعودیہ سے آنے والے شخص کو ائیر پورٹ سے لیکر آرہا تھا کہ کوٹلی میانی کے قریب موٹر سائیکل سوار 2ڈاکوؤں نے اْنہیں روک لیا اور اسلحہ کے زور پر ڈرائیور عابد سے نقدی اور مسافر سے 2 ہزار 200سعودی ریال اور 2قیمتی موبائل فون چھین کر فرار ہوگئے جبکہ جی ٹی روڈ پر واقع پیزا شاپ کا ڈلیوری بوائے محمد شہباز محلہ حبیب پورہ میں پیزا سپلائی کرنے جارہا تھا کہ راستہ میں 2 ڈاکو اسلحہ کے زور پر اْس سے موٹر سائیکل،دس ہزارروپے اور موبائل چھین کر لے گئے۔پولیس نے مقدمات درج کرلیے ہیں۔