لاہور(کلچرل رپورٹر)پاکستان شوبز انڈسٹری سے وابستہ اداکار اسد صدیقی کے والد انتقال کرگئے۔اداکار نے اپنے والد کے انتقال کی اطلاع اپنے انسٹاگرام پر دی، انہوں نے سٹوری پوسٹ کی جس میں لکھا کہ گزشتہ رات میں نے اپنا سایہ، اپنی طاقت اور اپنا سب کچھ کھو دیا۔میں نے اپنے گھر کے سب سے اہم شخص، گھر کے ستون ابو کو کھو دیا ہے۔ ان کے والد کی عمر 85 سال تھی اور ساتھ ہی اداکار نے اپنے مداحوں اور چاہنے والوں سے ان کے اہلخانہ اور مرحوم والد کو دعاؤں میں یاد رکھنے کی درخواست بھی کی۔ مداح ان سے اظہارِ تعزیت کررہے ہیں۔