الحمرا میلوڈیز نے سپر ہٹ  پروگرام کا روپ دھار لیا

لاہور(کلچرل رپورٹر)لاہور آرٹس کونسل الحمراء کے زیر اہتمام الحمراء میلوڈیز کے نئے سگمنٹ میں نامور گلوکاراعجاز حسین آفریدی نے پرفارم کیا۔اعجاز حسین آفریدی کی آواز کا سوز سننے والوں کی سماعتوں کو متاثرکرتی رہی۔الحمراء میلوڈیز کے پلیٹ فارم پر جانے مانے گلوکاروں کی شاندار پرفارمنس کے باعث الحمرا میلوڈیز سپر ہٹ پروگرام کا روپ دھار چکا ہے۔اس حوالے سے سربراہ الحمراء کے مطابق الحمرا میلوڈیز کی کامیابی اس کے تسلسل سے ممکن ہوئی۔ہم عوام کے الحمرا میلوڈیز کی پذیرائی کرنے پر بے پناہ شکریہ گزار ہیں۔الحمرا فنون لطیفہ کی پرموشن کے لئے نئے نئے اقدام اٹھا رہا ہے۔الحمرا کے پروگرامز میں نئی نئی جہتیں متعارف کروائی جا رہی ہیں۔