پاکستان کی پہلی اننگزکا آغازاچھا نہ تھا اوپنرمحمد حفیظ کوئی رن بنائےبغیرآؤٹ ہوئے،اظہرعلی چوبیس،یونس خان تئیس اور توفیق عمر چون رنز بناسکے،اسد شفیق اورکپتان مصباح الحق نے عمدہ کھیل کا مظاہرہ کیا،جب دوسرے دن کا کھیل ختم ہوا تو اسد شفیق پچھتر اورمصباح الحق پچاس رنز کے ساتھ کریز پر موجود تھے۔ اس سے قبل نیوزی لینڈ نے اپنے پہلے دن کے سکور دوسو ساٹھ رنزسات کھلاڑی آؤٹ سے اننگز کا آغازکیا تو اسے ابتدا میں ہی نقصان برداشت کرنا پڑا جب ٹی جے سوتھی چھپن رنز بناکر پویلین لوٹ گئے، نیوزی لینڈ کی نویں وکٹ دوسو چوہترکے سکور پرگری جب کے ایس ولیمز پچاس رنزبناکر آؤٹ ہوئے ، کیویز کے آخری آؤٹ ہونے والے کھلاڑی بی جے آرنل تھے جنہوں نے آٹھ رنز بنائے یوں نیوزی لینڈ کی پوری ٹیم دوپچھہتر رنز پر ڈھیرہوگئی۔