کراچی (اے پی پی) سٹیٹ بنک آف پاکستان اور یونائیٹڈ بنک لمیٹڈ 11 ویں اسٹیٹ بنک گورنرز کپ انٹر بنک ریجنل کرکٹ ٹورنامنٹ کے فائنل میں پہنچ گئے۔ سٹیٹ بنک سپورٹس کمپلیکس نارتھ ناظم آباد کراچی میں کھیلے گئے سیمی فائنل میں سٹیٹ بنک نے نیشنل بنک کو 42 رنز سے ہرا دیا۔ سٹیٹ بنک نے 20 اوور میں 6 وکٹوں کے نقصان پر 181 رنز جبکہ نیشنل بنک نے 6 وکٹوں کے نقصان پر 139 رنز بنائے جبکہ دوسرے سیمی فائنل میں یونائیٹڈ بنک کی ٹیم نے حبیب میٹرو پولیٹن بنک کو 8 وکٹ سے ہرا دیا۔ حبیب میٹرو پولیٹن بنک نے 20 اوور میں 97 رنز جبکہ یو بی ایل نے 14.4 اوور میں دو وکٹوں کے نقصان پر 101 رنز بنائے۔