کراچی میں ٹارگٹ کلنگ کا سلسلہ جاری ہےمختلد واقعات میں تین افراد کو موت کے گھاٹ اتاردیا گیا جبکہ تین افراد کی لاشیں بھی برآمد۔

سرجانی ٹاؤن ناردرن بائی پاس کے قریب مسلح افراد کی فائرنگ سے عارف نامی ٹرک ڈرائیورجاں بحق ہوگیا جبکہ گلشن اقبال سیکٹر تیرہ ڈی میں نامعلوم موٹرسائیکل سواروں نے فائرنگ کرکے پچیس سالہ علی رضا کو قتل کردیا۔ادھرتھانہ پاک کالونی کی حدود پرانا گولیمار میں بھی ٹارگٹ کلرز کی فائرنگ سے ایک شخص ہلاک ہوگیا ۔دوسری جانب اورنگی ٹاؤن توری بنگش کالونی کے نزدیک سے بوری بند لاش برآمد ہوئی ہے جبکہ گلستان جوہر رابعہ سٹی کے فلیٹ سے بھی ایک خاتون کی بوری بند لاش برآمد ہوئی،محمود آباد چنیسرگوٹھ سے بھی ایک نامعلوم شخص کی لاش ملی جبکہ لیاقت آباد اور نیو کراچی میں فائرنگ سے تین افراد زخمی بھی ہوگئے۔