خضرحیات گوندل چیف سیکرٹری پنجاب تعینات

لاہور (نامہ نگار خصوصی + نوائے وقت رپورٹ)  خضر حیات  گوندل کو نیا چیف سیکرٹری  پنجاب تعینات کر دیا گیا ہے۔  نوٹیفکیشن  جاری کر دیا گیا ہے۔ خضرحیات  گوندل چیف سیکرٹری آزاد کشمیر بھی رہ چکے ہیں۔ قبل ازیں بابر یعقوب کو وفاق  نے چیف سیکرٹری پنجاب تعینات  کیا تھا تاہم ذرائع کا کہنا ہے کہ بابر یعقوب  کی تعیناتی سے وزیراعلی پنجاب ناخوش تھے لہذا انہیں کام کرنے سے روک دیا گیا جس  پر بابر یعقوب  نے چیف سیکرٹری  کی ذمہ داریاں سنبھالنے سے  معذرت کر لی تھی۔ ذرائع کے مطابق  چیف سیکرٹری  کی تقرری پر وفاق اور پنجاب میں اختلافات پیدا ہو گئے۔  وفاقی حکومت نے منگل کو بابر یعقوب  فتح کو چیف سیکرٹری پنجاب  تعینات کیا تھا انہیں  چیف سیکرٹری کا عہدہ سنبھالنے سے روک دیا گیا۔