لاہور (نامہ نگار) بادامی باغ سے 10سال قبل اغوا ہونے والا بچہ ملتان سے بازیاب کرا لیا گیا ہے۔ شاہ زیب کو بادامی باغ لاہور سے جس وقت اغوا کیا گیا اس کی عمر گیارہ ماہ تھی۔ انوسٹی گیشن ونگ نے خفیہ اطلاعات پر شاہ زیب کو ملتان سے بازیاب کرا لیا۔ بچے کو اغوا کرنے کے الزام میں دو خواتین شازیہ اور نوشی کو حراست میں لیا گیا ہے اور ان سے تفتیش جاری ہے۔ پولیس کے مطابق بچے کو چائلڈ پروٹیکشن کے حوالے کر دیا گیا ہے۔ ذرائع کا کہنا ہے کہ بچے کے والدین ہونے کے دعوے داروں جوڑے کا ڈی این اے ٹیسٹ کرایا جائے گا۔