پشاور: گیس لیکج کے باعث گھر میں آگ بھڑکنے سے 7 افراد جھلس گئے

پشاور (بیورو رپورٹ) بھانہ ماڑی کے علاقے خٹک کالونی میں گیس لیکج کے باعث خوفناک دھماکے کے بعد آگ بھڑک اٹھی جس کے نتیجے میں ایک ہی گھر کے 7 افراد جھلس گئے آتشزدگی کے نتیجے میں گھر کو بھی نقصان پہنچا اطلاع ملتے ہی ریسکیو 1122 اور دیگر امداد ٹیمیں موقع پر پہنچ گئیں اور زخمیوں کو ہسپتال منتقل کیا جہاں چار کی حالت تشویشناک بتائی جاتی ہے علاقے کے منتخب نمائندوں نے واقعہ کی تمام تر ذمہ داری محکمہ سوئی گیس پر عائد کرتے ہوئے ایف آئی آر کے اندراج کا مطالبہ کیا ہے۔ آگ اس قدر شدید تھی کہ چند ہی لمحوں میں پورے گھر کو اپنی لپیٹ میں لے لیا۔