کرچی(اسپورٹس رپورٹر)کے سی سی اے زون چار کے زیرِ اہتمام ملک عبدالرئوف میموریل کر کٹ ٹورنامنٹ میں مزید دو میچوں کے فیصلے ہوگئے، پہلے میچ میںکراچی ایگلٹس نے سپر جمخانہ کو 26رنز سے اور پاک مغل سی سی نے دل چسپ مقابلے کے بعد ایئر پورٹ اسٹارز کو دو رنز سے شکست دیدیا ،فاتح ٹیموں نے ٹورنامنٹ میں مسلسل دوسری کامیابیاں حاصل کر لی،پاک اسٹار گرائونڈ پرٹاس جیت کر پہلے بیٹنگ کر تے ہوئے کراچی ایگلٹس نے مقررہ اوورز 189رنز 8وکٹوں کے نقصان پر بنائے،عطاء محمد 34،محمد ارشد 28،عمران رضا23اورنوید یعقوب نے 22رنز اسکورز بنائے،نوید اختر نے تین،منصور علی نے دو وکٹیں حاصل کیں،جواب میں سپر جمخانہ 163 رنز بناکر آل آؤٹ ہوگئی،شاہد نواز 42 اورمنصور علی28 رنز بنائے،مقبول شاہ،عطاء محمد نے تین ،تین وکٹیں حاصل کیں،اسلام خان اور رحمان بہادر نے امپائرنگ فرائض انجام دیئے،جبکہ تیمور عالم آفیشل اسکور تھے،دوسرے میچ میں پا ک مغل سی سی نے تمام وکٹوں کے نقصان پر 164رنز بنائے،اختر علی 41مو نس احمد 26اور محمد لقمان نے 18رنز بنائے،اسپنر شاہد حسین نے چار،اسد شاہ نے تین اور عابد علی نے دو وکٹیں حاصل کیں،جواب میں ایئر پورٹ اسٹارز دل چسپ مقابلے کے بعد 162رنز بناکر آل آؤٹ ہوگئی،طالب حسین 38،شعیب احمد 29اور اسد خان نے 21رنز بنائے،محمد طاہر نے چار، نوید حمید ،محمد نقی نے دو، دو وکٹیں حاصل کی۔