لاہور(آئی این پی)مکھایا انتینی نے زمبابوے کرکٹ ٹیم کے بولنگ کوچ کے عہدے سے استعفا دے دیاجب کہ زمبابوے نے ٹرائی سیریز کیلئے ون ڈے اسکواڈ کا بھی اعلان کر دیا۔زمبابوے کرکٹ بورڈ کی جانب سے جاری پریس ریلیز میں کہا گیا ہے کہ زمبابوے کی قومی ٹیم کے بولنگ کوچ مکھایا انتینی نے بورڈ کو اپنا استعفا بھجوایا ہے ۔دوسری جانب زمبابوے نے 15جنوری سے بنگلہ دیش میں شروع ہونے والی ٹرائی سیریز کے لئے اسکواڈ کا اعلان کر دیا ہے، 20 سالہ لیگ سپنر آل رانڈر برینڈن ماووتا اور 19 سالہ وکٹ کیپر بیٹسمین ریان مرے پہلی مرتبہ اسکواڈ میں جگہ بنانے میں کامیاب رہے ہیں۔ اسکواڈ میں ہیملنٹن مساکازا، سولومن مائر، کریگ ایرون، برینڈن ٹیلر، سکندر رضا، پیٹر مور، میلکم ویلر، گریم کریمر کپتان، ریان مرے، تیندائی چسورو، برینڈن موواتا، بلیسنگ موزارابانی، کرسٹوفر موفو، تیندائی چتارا اور کائیل جاروس شامل ہیں۔