اکبری گیٹ : مکان کے ملبے تلے دب کرجاںبحق ہونے والوں کی نماز جنازہ ادا

لاہور( سٹاف رپورٹر) تھانہ اکبر ی گیٹ میں تین منزلہ مکان کے ملبے تلے دب کرجاں بحق ہونے والے ایک ہی خاندان کے 4افرادسمیت 6 افراد کی نماز جنازہ ادا کردی گئی افسوس ناک واقع پر علاقہ میں سوگ کی فضا قائم ہے جبکہ دوسری جانب مالک مکان کے خلاف مقدمہ درج کر لیا گیا تاہم اسے گرفتار نہیں کیا جا سکا گزشتہ روز دہلی گیٹ کوتوالی چوک میں تین منزلہ عمارت زمین بوس ہوگئی جس میں ایک ہی خاندان کے پانچ افراد اور راہگیر باپ بیٹی ملبے تلے دب گئے تھے۔جبکہ ریسکیو نے کارروائی کر تے ہوئے ایک بچے کو نکال لیا۔ جنازہ موچی باغ میں ادا کی گئی۔ واقعہ کے تیس گھنٹے بعد تھانہ اکبری گیٹ میں مالک مکان آل حسنین عرف بھگی شاہ کے خلاف مقدمہ درج کرلیا گیا ہے پولیس کا کہنا ہے کہ واقع حادثہ ہے ملزم کیخلاف قانون کے مطابق کارروائی کی جائے گی۔