جنڈیالہ شیر خان (نمائندہ خصوصی) مسلم لیگ (ن) کے ضلعی رہنمائوں چوہدری صفدر ریاض ورک، چوہدری شاہد محمود ورک اور چوہدری شعیب بابر ورک نے کہا ہے کہ اپوزیشن جماعتوں کی قیادت سے احتساب کے نام پرانتقام لیاجا رہا ہے۔ اگر احتساب ہوتا تو پی ٹی آئی میں ہلچل مچ جاتی کیونکہ کرپشن کرنے والے کرپٹ سیاستدان اب حکومتی جماعت کا حصہ ہیں جنہیں حکومت مکمل تحفظ فراہم کئے ہوئے ہے۔ ان خیالات کااظہارانہوں نے کوٹ رنجیت میں یوسی چیئرمین چوہدری محمد ریاض ورک کے ڈیرہ پر میڈیا کے نمائندوں سے گفتگو کرتے ہوئے کیا۔