لاہور (سپورٹس ڈیسک) انگلینڈ نے جنوبی افریقہ کو دوسرا ٹیسٹ میچ 189رنز سے ہرا کر سیریز ایک ایک سے برابر کردی ۔ انگلینڈنے میزبان پروٹیز کو میچ جیتنے کیلئے 438رنز کا ہدف دیا تاہم ٹیم 248رنز پر ڈھیر ہو گئی ۔ میلان 84‘ڈین ایلگر 34‘زبیر حمزہ 18‘مہاراج 2‘فف ڈیوپلیسی 19‘وینڈر سین 17‘کوئنٹن ڈی کاک50‘ورنن فلینڈر 8‘پر ٹوریئس صفر ‘نورتجی صفر پر آئوٹ ہوئے ۔ کاگیسو رباد ا تین رنز پر ناٹ آئو ٹ رہے ۔ بین سٹوکس نے تین ‘جیمز اینڈرسن ‘ڈینلی نے دو دو جبکہ براڈ‘بیس اور کرن نے ایک ایک کھلاڑی کو آئوٹ کیا ۔ بین سٹوکس کو میچ کا بہترین کھلاڑی قرار دیا گیا ۔ قبل ازین انگلینڈ نے اپنی دوسری اننگز 391رنز8کھلاڑی آئوٹ پر ڈکلیئر کر دی تھی ۔ جوروٹ 61‘بین سٹوکس 72رنز بناکر آئوٹ ہوئے ۔ سبلی 133رنز پر ناٹ آئوٹ رہے ۔ نورتجی نے تین جبکہ کاگیسو ربادا اور مہاراج نے دو دو کھلاڑیوںکوآئوٹ کیا ۔ انگلینڈ نے پہلی اننگز میں 269اور جنوبی افریقہ نے 223رنز بنائے تھے ۔