کراچی (اسپورٹس رپورٹر) کراچی میں دوسرے کمشنر کراچی سٹی میراتھون 12 جنوری کو منعقد ہوگی۔میراتھون کے انعقا د سے کراچی میں امن کو مسحکم کر نے کی حکومت کوششیںموثر ہوں گی۔ اور ملک اور ملک سے باہر کراچی کا اچھا اور مثبت امیج قائم ہو گا اور کراچی میں امن اور اسپورٹس کے فروغ میں میراتھون کا نعقاد ایک مثبت کوشش ثابت ہوگی ۔کمشنر کراچی افتخار شالوانی نے منگل کو اپنے دفتر میں ایک پریس کانفرنس میں سٹی میراتھون2020 کا اعلان کیا اور تفصیلات سے آگاہ کیا۔ انھوں نے کہا کہ سٹی میراتھون کے لئے رجسٹریشن شروع کر دی گئی ہے جو میراتھون کے انعقاد کے روز صبح آٹھ بجیء تک جاری رہے گی۔کمشنر کراچی کی ویب سائٹ پر رجسٹریشین کرائی جا سکتی ہے۔ جبکہ موقع پر بھی میرا تھون کے آغاز سے قبل صبح آٹھ بجے تک رجسٹریشن کرائی جاسکے گی۔ انھوں نے کہا کہ میراتھون کا فاصلہ دس کلو میٹر رکھا گیا ہے میراتھون کا آغاز صبح نو بجے معین خان اکیڈمی سے ہوگا۔ جبکہ مختلف راستوں سے گذر کر واپس معین خان اکیڈمی ڈیفنس پر اختتام پذیر ہوگی۔کمشنر نے میراتھون کے لئے کٹیگریز کا اعلان کر تے ہوئے بتا یا کہ میراتھون مین تین کٹیگریز میں رجسٹریشن کرائی جاسکتی ہیں۔ انڈر 19، انڈر 30 اور 30 سے زائد عمر کی کٹیگریز میں رنرز حصہ لے سکیں گے۔ اسپیشل افراد اور عمررسیدہ افرادکے لئے اسپیشل کٹیگریز کا اعلان بھی کیا گیا۔انھوں نے کہا کہ سٹی میراتھون2020 مین پہلی سے دسویں پوزیشن حاصل کر نے والے اتھلیٹس کو انعامات دئے جائیں گے اس موقع پر سات مختلف مقامات پر پانی کی فراہمی، ٹوائلٹس کی سہولیات سمیت مختلف سہولیات کے لئے کیمپس لگائے جائیں گے۔فائر برگیڈ اور فوری طبی امداد کی سہولت کے کیمپس بھی شامل ہوں گے۔انھوں نے اسپانسر نیسلے کا بھی میراتھون کے انعقاد میں تعاون کا شکریہ ادا کیا۔ انھوں نے میراتھون کا انعقاد سرکاری اخراجات کے بغیر کیا جا رہا ہے وہ اسپانسر کمپنی کے اس سلسلہ میں شکر گذار ہیں۔ کمشنر نے امید ظاہر کی کراچی میں امن اور اسپورٹس کے فروغ میں میراتھون کا نعقاد ایک مثبت کوشش ثابت ہوگی۔ اس موقع پر ایڈیشنل کمشنر ون اسد علی خان، ڈپٹی کمشنر جنوبی سید صلاح الدین احمد،اولمپیین اصلاح الدین اور اسپانسر نیسلے کے ہیڈ آف کارپوریٹ وقار احمد بھی موجو د تھے۔ ک،کمشنر نے کہا کہ میراتھون کا انعقاد حکومت سندھ کی امن کی کوششوں کو موثر بنانے میں مدد کرے گی اس سے شہر میں امن مسحکم ہوگا اور ملک اور ملک سے باہر کراچی کا مثبت پیغام پھیلے گا۔