انگلینڈ ویمنز کرکٹ ٹیم اکتوبر میں پاکستان کا پہلی مرتبہ دورہ کریگی

لاہور(سپورٹس رپورٹر+نمائندہ سپورٹس)انگلینڈ ویمنز کرکٹ ٹیم پہلی مرتبہ اکتوبر میں پاکستان کا دورہ کریگی۔ مہمان ٹیم کراچی میں پاکستان ویمنز کرکٹ ٹیم کیساتھ دو ٹی ٹونٹی اور تین ایک روزہ میچز کی سیریز کھیلے گی۔دو ٹی ٹونٹی میچز 14 اور 15 اکتوبر کو کھیلے جائیں گے۔تین ایک روزہ انٹرنیشنل میچز 18، 20 اور 22 اکتوبر کو کھیلے جائیں گے۔پاکستان کرکٹ بورڈ کے چیف ایگزیکٹو وسیم خان نے کہا کہ یہ اعلان پاکستان اور انگلینڈ اینڈ ویلز کرکٹ بورڈ کے تعلقات کی مضبوطی اور ان میں موجود اعتماد کی واضح مثال ہے،کروناکے باوجود گزشتہ سال سے ملک میں جاری انٹرنیشنل اور ڈومیسٹک میچز کے کامیاب انعقاد نے بھی دیگر بورڈز کے اعتماد میں اضافہ کیا ہے۔ ویمنز کرکٹ کیلئے  شاندار تجربہ ہو گا کہ مینز ٹیموں کے میچز بھی اسی روز ہوں گے، ای سی بی کی مینجنگ ڈائریکٹر برائے ویمنز کرکٹ کلیئر کانر کا کہنا ہے انگلینڈ ویمنز  ٹیم نے اس سے قبل  پاکستان کا دورہ نہیں کیا، ا یہ ٹور یادگار اور شاندار دورہ ثابت ہوگا۔دونوں ٹیموں کیلئے آن فیلڈ کھیلنے کا بہترین موقع ہے ۔خطے میں خواتین کو بااختیار بنانے میں اہم کردار ادا کرسکتے ہیں ۔ وہ گزشتہ سال پاکستان آئی تھیں لہٰذا جانتی ہیں کہ کھلاڑیوں کیلئے دورہ کتنا یاد گار ہوگا۔