میلسی(نمائندہ نوائے وقت)جائیداد کا لالچ، چچا کا ساتھی کے ہمراہ سکول سے بھتیجے کو اغواء کرنے کی کوشش تفصیل کے مطابق محلہ ہری پورہ کی رہائشی حاجراں بی بی نے ایس ایچ او تھانہ سٹی میلسی کو درخواست دی کہ اس پہلے خاوند (مرحوم) سے 2 بیٹیاں اور ایک بیٹا ہے بیٹا خلیل الرحمن ہشتم کلاس میں گورنمنٹ ہائی سکول میلسی میں پڑھتا ہے وہاں پر ماڈل ہائی سکول کے ٹیچر میرے سابقہ دیور عبدالرزاق نے اپنے ساتھیوں گورنمنٹ ہائی سکول کے سائنس ٹیچر محمد صابر اور طاہر عباس نے میرے بیٹے کو قتل کی نیت سے اغواء کرنے کی کوشش کی شور مچانے پر ملزمان فرار ہو گئے، درخواست کے مطابق ملزمان وراثتی جائیداد ہتھیانا چاہتے ہیں پولیس تھانہ سٹی میلسی نے مقدمہ درج کر لیا ہے۔