لاہور(سپورٹؑس رپورٹر)لاہور بورڈ انٹرکالجیٹ بوائز ہاکی ٹورنامنٹ پنجاب کالج نے پہلی سپیریر کالج نے دوسری اور گورنمنٹ کالج یونیورسٹی لاہور نے تیسری پوزیشن حاصل کی۔ مہمان خصوصی پاکستان ہاکی ٹیم کے سابق کپتان اولمپین محمد عثمان تھے۔ انہوں نے  کہا کہ اس وقت لاہور بورڈ پاکستان کا واحد ادارہ ہے جو سپورٹس کی ترقی میں اہم کردار ادا کر رہا ہے۔گرلز بیڈمنٹن ٹورنامنٹ پنجاب جمنازیم میں کھیلا گیا کینئرڈ کالج اور لاہور کالج وومن یونیورسٹی نے جوائنٹ پہلی پوزیشن‘ پنجاب گروپ آف کالجز نے دوسری اور گورنمنٹ پوسٹ گریجویٹ کالج سمن آباد نے تیسری پوزیشن حاصل کی۔مہمان خصوصی ڈائریکٹر سپورٹس لاہور بورڈ ضیاء سبطین تھے۔