سلواووریٹ پر میچ کے دوران سزا،ٹی تونٹی پلینگ کنڈیشنزتبدیل

لاہور (سپورٹس رپورٹر)انٹرنیشنل کرکٹ کونسل کی جانب سے ٹی ٹونٹی میچز کی پلیئنگ کنڈیشنز میں تبدیلیاں کردی گئیں۔آئی سی سی کے مطابق ٹی ٹونٹی میچ کی پلیئنگ کنڈیشنز میں تبدیلیوں کا اطلاق رواں ماہ ہوگا۔سلو اوور ریٹ اور آپشنل پانی کے وقفے کی کنڈیشنز میں ردو بدل کیا گیا ہے جس کے تحت مینز اور ویمنز ٹی ٹونٹی انٹرنیشنل میں سلو اوور ریٹ پر پنالٹی کو متعارف کرایا گیا ہے۔آئی سی سی کی جانب سے سلو اوور ریٹ کی پنالٹی کے تحت سلو اووریٹ کے نتیجے میں فیلڈرز اننگز کے باقی اوورز میں 30 یارڈر کے دائرے کے اندر رہیں گے۔آئی سی سی گورننگ باڈی کی جانب سے اننگز کے دوران پانی کیلئے ایک آپشنل وقفہ بھی متعارف کرایا گیا ہے جس کے تحت اننگز کے درمیان 2 منٹ 30 سیکنڈ کیلئے پانی کا اضافی وقفہ بھی لیا جاسکتا ہے۔آئی سی سی کے ٹی ٹونٹی کیلئے نئے قوانین کا اطلاق 16 جنوری کو ویسٹ انڈیز اور آئر لینڈ کے درمیان کھیلے جانے والے میچ سے ہوگا۔