اسلام آباد(نا مہ نگار)کامسٹیک نے میٹابولومکس سنگ میل ایجادات کا ایک راستہ  کے موضوع پر ایک ویبینار کا انعقاد کیا جس میں قاہرہ یونیورسٹی مصر کے پروفیسر ڈاکٹر محمد علی فراغ نے آن لائن لیکچر دیا۔پروفیسر فراغ نے کہا کہ میٹابولومکس کیمیائی عمل پر مبنی خلیاتی عمل کے تجزیے کا نام ہے۔ میٹابولومکس خوراک کی پیداوار میں خوراک کی کیمیائی ساخت اور پیداوار کے مختلف مراحل کے دروران کوالٹی کنٹرول قائم کرنے میں مفید ہے۔پروفیسر فراغ نے کہا کہ اسے طبی تحقیق میں بیماریوں کے بڑھنے کو سمجھنے اور کسی شخص کی خوراک اور میٹابولزم کے اثرات کا جائزہ لینے کے لیے استعمال کیا جا سکتا ہے۔پروفیسر فراگ نے میٹابولومکس کی تاریخ بیان کی۔ انہوں نے کہا کہ ہم سائنس میں جو کچھ جانتے ہیں وہ سمندر میں برف کے تودے کی طرح ہے نہ کہ پوری چیز۔ انہوں نے کہا کہ پورے پودے اور انسانی جینومز کو ترتیب دینے کی صلاحیت نے ثابت کیا ہے کہ جین کے کام کے حوالے سے ہمارا علم بہت محدود ہے۔انہوں نے لیکچر میں میٹابولومکس کا ایک جائزہ پیش کیا اور نظام حیاتیات میں اس کے کردار پر روشنی ڈالی۔اس ویبینار میں او آئی سی کے رکن ممالک کے طلبا، محققین، سائنسدانوں اور ماہرین تعلیم نے شرکت کی۔