کورونا کی اتنی خوراکوں نے جسم کے درد سے نجات دلانے اور صحت مند رہنے میں مدد کی‘براہم دیو منڈل
بھارت سے تعلق رکھنے والے 84 سالہ براہم دیو منڈل نے دعویٰ کیا ہے کہ انہوں نے ریاست بہار میں کورونا ویکسین کی 11 خوراکیں لگوالیں۔ غیر ملکی خبر رساں ادارے کے مطابق بھارت میں ایک ،دو نہیں بلکہ 11 بار کورونا ویکسین لگوانے والا شخص سامنے آگیا۔ برطانوی نشریاتی ادارے کے مطابق بھارت سے تعلق رکھنے والے 84 سالہ براہم دیو منڈل نے دعویٰ کیا ہے کہ انہوں نے ریاست بہار میں کورونا ویکسین کی 11 خوراکیں لگوائیں۔ریٹائرڈ پوسٹ ماسٹر براہم دیو کا کہنا ہے کہ کورونا کی اتنی خوراکوں نے انہیں جسم کے درد سے نجات دلانے اور صحت مند رہنے میں مدد کی۔رپورٹس کے مطابق براہم دیو کا دعویٰ ہے کہ انہیں گزشتہ سال فروری سے دسمبر کے درمیان 11 بار ویکسین لگیں جس کی تمام تفصیلات( اوقات، تاریخ، مقام) سب ایک کاغذ پر لکھی ہوئی ہیں جبکہ انہوں نے ویکسین کی اتنی خوراکیں لگوانے کے لیے مختلف شناختی کارڈ کا استعمال کیا۔دوسری جانب مدھ پورہ کے سول سرجن امریندر پرتاپ شاہی کا کہنا ہے کہ ہمیں اس بات کے شواہد ملے ہیں کہ براہم دیو منڈل نے 4 مختلف جگہوں سے کورونا ویکسین کی 8 خوراکیں لگوائی ہیں ،تاہم تحقیقات جاری ہیں کہ براہم دیو کورونا ویکسین کی اتنی خوراکیں لگوانے میں کیسے کامیاب ہوئے۔حکام کا کہنا ہے کہ ہم پریشان ہیں کہ یہ کیسے ہو سکتا ہے کہ کوئی شخص کورونا کی اتنی ویکسین لگوالے؟ ہمیں ایسا لگتا ہے کہ ا?ن لائن پورٹل میں کوئی خرابی ہے جبکہ ہم یہ بھی جاننے کی کوشش کر رہے ہیں کہ کیا ویکسینیشن مراکز کے لوگوں کی طرف سے کوئی لاپرواہی تو نہیں ہوئی۔واضح رہے کہ بھارت کی تقریباً 65 فیصد بالغ آبادی کو مکمل طور پر ویکسین لگائی گئی ہے جبکہ تقریباً 91 فیصد کو کم از کم کورونا کی ایک خوراک ملی ہے۔
