؎اسلام آباد (اپنے سٹاف رپورٹر سے) گزشتہ 24گھنٹوں کے دوران ایگل سکواڈنے جرائم پیشہ عناصرکے خلاف بھر پور سنیپ اور اسپیشل چیکنگ کے دوران کل1765مشکوک افراد،موٹرسائیکل سواروں اور گاڑیوں کو چیک کیا، جس میں 53مشکوک افراد، 1264موٹرسائیکل او ر448گاڑیاں شامل ہیں،جبکہ 14مشکوک افراد اوراصل دستاویزات نہ ہونے پر 632موٹرسائیکل اور11گاڑیوں کومختلف تھانہ جات میں بند بھی کیاگیا،اسلام آباد میں مختلف زونز میں دوران ڈیوٹی ایگل سکواڈز نے پٹرولنگ کے دوران کالے شیشے والی گاڑیوں کیخلاف جاری کریک ڈاؤن کو مزید تیز اور موثر بناتے ہوئے کل 188گاڑیوں کیخلاف کارروائی عمل میں لائی،تمام زونل افسران کو ہدایات جاری کی گئی ہیںکہ وفاقی دارلحکومت اسلام آباد میں جرائم پیشہ عناصر کیخلاف جاری کریک ڈائون کو مزید تیز اور موثر بنایا جائے۔