نئی دہلی (نوائے وقت رپورٹ) بھارتی ریاست کیرالہ کی گلیوں کو سابق وزیراعظم بینظیر بھٹو کی تصاویر اور پوسٹرز سے سجا دیا گیا۔ بے نظیر بھٹو کی تصاویر والے پوسٹرز لگانے پر بی جے پی نے شہر بھر میں ہنگامہ کھڑا کر دیا۔ بھارتی میڈیا رپورٹ کے مطابق کمیونسٹ پارٹی آف انڈیا کے خواتین ونگ، آل انڈیا ڈیموکریٹ ویمنز ایسوسی ایشن کے زیر اہتمام نیشنل کانفرنس ہو رہی ہے۔ اس حوالے سے دارالحکومت تھیرو وانا تھا پوسٹر پر لکھا گیا کہ بینظیر پاکستان کی پہلی خاتون وزیراعظم تھیں جنہیں ہارورڈ سمیت دنیا کی 9 بہترین یونیورسٹیز نے ڈاکٹریٹ کی ڈگریاں دیں۔ بی جے پی رہنما سندبپ نے تنقید کرتے کہا کہ بے نظیر دشمن ملک کی سابق وزیراعظم  تھیں جنہوں نے بھارت کو نقصان پہنچانے میں کوئی کسر نہ چھوڑی۔