لاڑکانہ(بیورورپورٹ) پاکستان پیپلز پارٹی ہیوسٹن چیپٹر آمریکا کی جانب سے ملک کے سابق وزیر اعظم، پیپلز پارٹی کے بانی ذوالفقار علی بھٹو کی 95 ویں سالگرہ کی تقریب کا ہیوسٹن شہر کے مقامی ہوٹل میں اہتمام کیا گیا جس میں فہد حسین، عامر ارسلان ملک، ریاض احمد، ممتاز چانگ، کاشف علی سومرو، گلشن، عبدالعزیز نظامانی اور دیگر مرد و خواتین رہنماؤں اور کارکنوں نے بڑی تعداد میں شرکت کی۔ تقریب سے خطاب کرتے ہوئے پیپلز پارٹی ہیوسٹن چیپٹر کے صدر فہد حسین اور دیگر نے کہا کہ شہید ذوالفقار علی بھٹو نے پاکستان کو ایٹمی طاقت بنایا ۔ ان کا کہنا تھا کہ آج ہیوسٹن شہر میں شہید ذوالفقار علی بھٹو کے یوم پیدائش کی تقریب کے انعقاد کا مقصد پوری دنیا کو یہ پیغام دینا ہے کہ ہم شہداء کے مشن کی تکمیل کرتے رہیں گے۔