ملتان(       سماجی رپورٹر          ) امیر جماعت اسلامی جنوبی پنجاب راؤ محمد ظفر نے کہا کے الخدمت  فاؤنڈیشن نے ہر مشکل وقت میں ملک و ملت کے لئے اپنے آپ کو پیش کیا ہے ،الخدمت چیریٹی آسٹریلیا ہسپتال کی افتتاحی تقریب سے خطاب کرتے ہوئے انہوں نے کہا کہ حالیہ سیلاب کی صورتحال میں الخدمت  فاونڈیشن  بے سہارا لوگوں کے شانہ بشانہ کھڑی رہی، کمر توڑ مہنگائی کے دور میں الخدمت کے اس ہسپتال میں اعلیٰ معیار کی ادویات 25فیصد رعایتی قیمت پر عوام کو دی جارہی ہیں، عالمی معیار کی طبی سہولیات کی  فراہمی کا عزم ہے، جنرل فزیشنز کی فیس صرف ایک سو روپے رکھی گئی ہے۔ انہوں نے کہا کہ اس ہسپتال میں 24 گھنٹے ڈاکٹرز کی سہولت موجود ہوگی ۔