فیکٹری ایریا میں 50سالہ بھکاری خاتون سردی سے ٹھٹھر کرجاں بحق 

لاہور (نامہ نگار)فیکٹری ایریا کے علاقے میں 50سالہ بھکاری خاتون سردی سے ٹھٹھر کردم توڑ گئی ، پولیس نے لاش مردہ خانے منتقل کر کے ورثا کی تلاش شروع کر دی تفصیلات کے مطابق فیکٹری ایریا کے علاقے غازی روڈ کے قریب سے نامعلوم خاتون کی اکڑی ہوئی لاش فٹ پاتھ پر پڑی دیکھ کر مقامی رہائشیوں نے پولیس کو اطلاع دی جس پر پولیس نے موقع پر پہنچ کر لاش قبضے میں لے کر مردہ خانے منتقل کر کے ورثا کی تلاش شروع کر دی ایدھی ترجمان کا کہنا ہے کہ 50سالہ نامعلوم خاتون حلیے سے بھکاری معلوم ہوتی ہے جو سردی سے ٹھٹھر کر جاں بحق ہوئی ہے